नुवाकोट – नुवाकोट जिल्लाको ककनी गाउँपालिका वडा नम्बर १, ७ र ८ मा राष्ट्रिय स्वतन्त्र पार्टी (रा.स्व.पा.) का तदर्थ समिति गठन कार्य सम्पन्न भएको छ।
प्रतिनिधिसभाका उम्मेदवार सुमन बिक्रम पाण्डे र प्रधुम्न महतको प्रमुख आतिथ्यतामा सम्पन्न उक्त कार्यक्रममा जिल्ला उपसभापति शरण महत, निर्वाचन क्षेत्र नं. १ का सभापति यदुमान लामा, ककनी गाउँपालिका कार्यबाहक सभापति रोजिन लामा, सचिव शिशिर फुयाल तथा वाग्मती प्रदेश अभियान तथा प्रचारप्रसार विभागका सदस्य अभिराज न्यौपानेको उपस्थिति रहेको थियो।
कार्यक्रममा वडा नं. १ मा रमेश बलामी, वडा नं. ७ मा राजकुमार श्रेष्ठ र वडा नं. ८ मा निरज लामिछानेलाई सभापति चयन गर्दै तदर्थ समिति गठन गरिएको हो।
साथै, पार्टी सभापति रवि लामिछाने विरुद्ध सरकारले ल्याएको प्रतिशोधपूर्ण कदमको विरोधमा बृहत् हस्ताक्षर अभियान समेत सञ्चालन गरिएको विभागीय सदस्य न्यौपानेले जानकारी दिएका छन्।
