काठमाडौं । सत्तासाझेदार दुई दलका सांसदहरूलाई मंगलबार सिंहदरबारमा बोलाइएको छ । सबैभन्दा ठूलो पार्टी नेपाली कांग्रेसका सांसदलाई संसदीय दलको कार्यालयमा उपस्थित हुन भनिएको छ ।
दोस्रो ठूलो तथा सत्ताको नेतृत्वकर्ता दल नेकपा एमाले का सांसदलाई पनि मंगलबारै सिंहदरबारमा बोलाइएको छ । उनीहरूलाई पनि संसदीय दलको कार्यालयमा उपस्थित हुन भनिएको हो । यसबारे विस्तृत जानकारी गराइएको छैन ।
