काठमाडौं – उज्यालो नेपाल पार्टीका केन्द्रीय सदस्य विजय कँडेलले बिपन्न तथा आवासविहीन नागरिकका लागि सुरु गरिएको आवास कार्यक्रमलाई आफूले व्यक्तिगत रूपमा नेतृत्व गर्दै अघि बढाइरहेको बताएका छन्।
कँडेलका अनुसार यो अभियान आफ्नो प्रमुख प्राथमिकता हो।
“हाम्रो क्षेत्रका कुनै पनि नागरिक आवासविहीन रहून् भन्ने हामी कहिल्यै चाहँदैनौँ। सबै आवास–विहीन नागरिकको तथ्यांक स्थानीय तह, वडा, समुदाय र स्वयंसेवी साथीहरूसँग समन्वय गरेर छिटो संकलन गरौँ। सबैलाई यथोचित आवास उपलब्ध गराउने हाम्रो प्रतिबद्धता दृढ र अटल छ,” कँडेलले दृढतापूर्वक भने।
कँडेलले बिपन्न, दलित, एकल महिला, अपांगता भएका व्यक्ति तथा भूमिहीन परिवारलाई प्राथमिकताका साथ आवास उपलब्ध गराउने आफ्नो योजनालाई पनि स्पष्ट पारेका छन्। उनका अनुसार तथ्यांक संकलन सम्पन्न भएपछि आवास निर्माणको प्रक्रिया तीव्र रूपमा अघि बढाइने छ।
स्थानीय तह र पार्टी संरचनामा पनि उनले सबैलाई सक्रिय रूपमा संलग्न भएर आवासविहीन नागरिक पहिचान गर्न आग्रह गरेका छन्
