काठमाडौं । राष्ट्रिय स्वतन्त्र पार्टी (रास्वपा) कीर्तिपुर नगरपालिका वडा नं. २ को प्रथम ऐतिहासिक वडा अधिवेशन भव्य तथा सफलतापूर्वक सम्पन्न भएको छ। अधिवेशनबाट महेश महर्जन निर्विरोध रूपमा सभापतिमा चयन भएका छन्।
त्यसैगरी दीपक धमला उपसभापति, सविन बाबु महर्जन सचिव तथा ठाकुर राम न्यौपाने, शर्मिला श्रेष्ठ, लक्ष्मी शोभा महर्जन, सरस्वती अर्याल, सुनीता के.सी., नीलकण्ठ महर्जन र प्रकाश अधिकारी सदस्यमा निर्विरोध चयन भएका छन्।
कार्यक्रममा काठमाडौँ क्षेत्र नं. १० का प्रतिनिधि सभा सदस्य तथा काठमाडौँ जिल्ला सभापति माननीय प्रदिप बिष्टको प्रमुख आतिथ्यता रहेको थियो। कार्यक्रममा जिल्ला, क्षेत्र तथा नगर समितिका प्रतिनिधि, पार्टीका नेता–कार्यकर्ता, समर्थक तथा स्थानीयवासीको उल्लेखनीय सहभागिता रहेको थियो।
अधिवेशन सम्पन्न भएको अवसरमा माननीय प्रदिप बिष्टले नवनिर्वाचित टिमलाई बधाई दिँदै जिम्मेवारीपूर्ण ढंगले जनताको विश्वास जित्ने गरी काम गर्न शुभकामना व्यक्त गर्नुभयो।
रास्वपा कीर्तिपुर नगर समितिका संयोजक बिटराज थापाले सम्पूर्ण टिमलाई बधाई तथा सफल कार्यकालको शुभकामना दिँदै जनताको आशा र विश्वासलाई केन्द्रमा राखेर काम गर्ने विश्वास व्यक्त गर्नुभयो।
त्यसैगरी नगर उपसंयोजक रोशा श्रेष्ठले अधिवेशन सफल बनाउन सहयोग गर्ने सम्पूर्ण आयोजक टिम, सहभागी सदस्य तथा सहयोगीहरूलाई धन्यवाद व्यक्त गर्दै नवनिर्वाचित टिमले जिम्मेवार, पारदर्शी र सक्रिय नेतृत्व प्रस्तुत गर्ने विश्वास व्यक्त गर्नुभयो।
अधिवेशनले वडा तहमा पार्टी संगठनलाई थप सुदृढ, सक्रिय र जनमुखी बनाउने अपेक्षा गरिएको छ।
