धादिङ – नेपाली कम्युनिस्ट पार्टीले धादिङको थाक्रे गाउँपालिका–३ नम्बर वडामा भोलि अगुवा कार्यकर्ता भेटघाट कार्यक्रम आयोजना गर्ने भएको छ।
आगामी राजनीतिक कार्यक्रम तथा संगठन सुदृढीकरणलाई लक्षित गर्दै आयोजना गर्न लागिएको उक्त भेटघाट कार्यक्रममा पार्टीका जिल्ला तथा स्थानीय तहका नेता–कार्यकर्ता तथा वडास्तरीय अगुवा कार्यकर्ताहरूको सहभागिता रहने बताइएको छ।
कार्यक्रममा वर्तमान राजनीतिक अवस्था, जनसरोकारका विषय, पार्टी संगठन विस्तार तथा भावी कार्यदिशाका बारेमा छलफल हुने छ।
थाक्रे गाउँपालिका–३ नम्बर वडा निर्वाचन परिचालन समितिको इन्चार्ज विजय तामाङले बताए अनुसार, उक्त भेटघाट कार्यक्रम माघ २८ गते बुधबार वेशिमल्डुङ थाक्रे, धादिङमा सम्पन्न हुने छ।