धादिङ – नेपाली कम्युनिस्ट पार्टी थाक्रे गाउँपालिका वडा नं. २ को वडा कमिटीद्वारा आयोजित अगुवा कार्यकर्ता भेला सम्पन्न भएको छ। भेलाबाट ५६ सदस्यीय मूल निर्वाचन परिचालन कमिटी गठन गरिएको छ।
भेलाले आगामी निर्वाचनलाई लक्षित गर्दै तारा चिन्हका उम्मेदवार राजेन्द्रप्रसाद पाण्डेलाई अत्यधिक मतले विजयी गराउने दृढ संकल्प व्यक्त गरेको छ। साथै, पार्टीका विचार, सिद्धान्त र एजेण्डालाई जनतामाझ प्रभावकारी रूपमा प्रस्तुत गर्ने निर्णय गरिएको निर्वाचन परिचालन समितिको सहसंयोजक राजु पौडेलले बताए ।
कार्यक्रममा सहभागी नेताहरूले वडा तहमा संगठन सुदृढीकरण, घरदैलो अभियानलाई तीव्रता दिने, मतदाता भेटघाटलाई व्यवस्थित गर्ने तथा प्रचारप्रसारलाई प्रभावकारी बनाउने रणनीति तय गरिएको बताएका छन्। निर्वाचन केन्द्रित गतिविधिलाई योजनाबद्ध रूपमा अगाडि बढाउँदै पार्टीको पक्षमा जनमत सृजना गर्ने प्रतिबद्धता व्यक्त गरिएको पौडेलले बताए ।
उनले वडा नं. २ मा पार्टीको विजय सुनिश्चित गर्न सम्पूर्ण नेता–कार्यकर्ता एकताबद्ध भएर परिचालन हुने बताए।
भेलाले अनुशासित, सक्रिय र परिणाममुखी रूपमा परिचालन हुँदै यसपटक वडा नं. २ मा पार्टीको मजबुत उपस्थिति स्थापित गर्ने लक्ष्य लिएको जनाएको छ।
