काठमाडौं – तेस्रोलिंगी समुदायको जीवन, भावना र संघर्षलाई केन्द्रमा राखेर तयार गरिएको चर्चित नाटक ‘जिउँदो आकाश’ फेरि मञ्चन हुने भएको छ।
निर्माण टिमले पोस्टर सार्वजनिक गर्दै नाटक साउन ३ गतेदेखि साउन १३ गतेसम्म थापा गाउँस्थित एक थिएटर नेपालमा मञ्चन हुने जानकारी दिएको छ।
नाटकको परिकल्पना तथा निर्देशन आरके मेहताले गरेका हुन् भने कथा चन्द्र पाण्डेले लेखेका छन्। यस नाटकले विशेषगरी तेस्रोलिंगी समुदायका अनुभूति, संघर्ष र सामाजिक यथार्थलाई मञ्चमार्फत प्रस्तुत गर्ने प्रयास गरेको छ।
नाटकमा अनिल सुब्बाको अभिनय रहनेछ।
यसअघि ‘जिउँदो आकाश’ काठमाडौं, पोखरा, दमक, दिल्ली र गुहाटीलगायत विभिन्न स्थानमा सफलतापूर्वक मञ्चन भइसकेको छ।