गोर्खा — गोर्खा जिल्ला समितिले ‘हामीलाई बाँच्न देऊ (Let Us Live)’ भन्ने नारासहित सरकारसमक्ष पाँचबुँदे माग सार्वजनिक गरेको छ।
गोर्खा जिल्ला संयोजक मिठू परियारका अनुसार सार्वजनिक गरिएको मागपत्रमा हुँदै तिर्ने नागरिकलाई वैकल्पिक व्यवस्था तथा रोजगारीको सुनिश्चितता गर्न, सुशीला कार्की नेतृत्वमा सरकारसँग भएको १२ बुँदे सम्झौता कार्यान्वयन गर्न, कोरोना महामारीका बेला वित्तीय संस्थाले लिएको चक्रवृद्धि ब्याज तथा जरिवाना मिनाहा गर्न, घरजग्गा लिलामी प्रक्रिया तत्काल बन्द गर्न तथा बैंकको कालोसूची खारेज गर्नुपर्ने माग समेटिएको छ।

संयोजक परियारले ऋण र वित्तीय समस्याका कारण धेरै नागरिकको जनजीवन संकटमा परेको उल्लेख गर्दै सरकारले तत्काल समस्या समाधानका लागि पहल गर्नुपर्ने बताए। उनले नागरिकको बाँच्न पाउने अधिकार सुनिश्चित गर्न सम्बन्धित निकायले मागहरू यथाशीघ्र सम्बोधन गर्नुपर्नेमा जोड दिए।