काठमाडौ – सरकार र आन्दोलनरत् लघुवित्त पीडितबीच बिहीबार भएको पहिलो चरणको वार्ता निष्कर्षमा पुग्न सकेन। सरकारद्वारा वार्ता टोली गठन भएपछि सुरु भएको छलफल सकारात्मक र समाधानउन्मुख रहेको जनाउँदै आज (शुक्रबार) पुनः वार्ता बस्ने सहमति भएको बताइएको छ।
यता, लघुवित्त पीडितहरूले सर्वोच्च अदालतको परमादेश कार्यान्वयन नभएको भन्दै मंगलबारदेखि काठमाडौंको माइतीघर मण्डलामा सामूहिक आमरण अनशन जारी राखेका छन्। सर्वोच्च अदालतले सरकार, नेपाल राष्ट्र बैंक र लघुवित्त बैंकर्स संघलाई पीडितसँग भएका सहमति कार्यान्वयन गर्न परमादेश जारी गरिसकेको भए पनि कार्यान्वयन नभएको आरोप उनीहरूको छ।
झरी र प्रतिकूल मौसमको समेत प्रवाह नगरी आन्दोलन जारी राखेका पीडितहरूले आफ्ना माग तत्काल सम्बोधन गर्न सरकारसँग आग्रह गरेका छन्।
#लघुवित्तपीडित #माइतीघर #आमरणअनशन #सरकारवार्ता #नेपाल
