धादिङ – धादिङको थाक्रे गाउँपालिकास्थित अमर्खु माध्यमिक विद्यालयबाट आफ्नो पढाइ सुरु गरेका विजय तामाङ अब आफ्नै जिल्लाको गंगाजमुना गाउँपालिकामा शिक्षा अधिकृतको रूपमा पदस्थापित भएका छन्।
विद्यालय तहदेखि नै उत्कृष्ट विद्यार्थीका रूपमा परिचित तामाङले बागमती प्रदेश लोकसेवा आयोगले लिएको शिक्षा अधिकृत (सातौँ तह) परीक्षामा सफलता हासिल गर्दै गंगाजमुनामा खटाइ पाएका हुन्।
पेशागत जीवनको थालनी उनले एड्भान्स एकेडेमीमा अध्यापनमार्फत गरेका थिए। गत वर्ष मात्र नीलकण्ठ नगरपालिका–स्थित शंखादेवी प्राथमिक विद्यालयमा स्थायी दरबन्दीमा नियुक्त भएका उनले पुनः लोकसेवा आयोगको शिक्षा अधिकृत पदमा नाम निकाल्न सफल भए।
खेलकुदप्रति विशेष रुचि राख्ने र “खेलकुद बिना शिक्षण प्रभावकारी हुन सक्दैन” भन्ने विश्वास गर्ने तामाङको गंगाजमुनामा सरुवासँगै स्थानीय विद्यालयस्तरीय खेलकुद गतिविधिमा नयाँ जोश र उत्साह थपिने अपेक्षा गरिएको छ।
