धादिङ – धादिङको नीलकण्ठ नगरपालिका–१० मा बाैद्धिक अपाङ्गता भएकी २९ वर्षीया एक किशोरीमाथि बलात्कार भएको घटना सार्वजनिक भएको छ। भाद्र २५ गते बलात्कारमा परेकी किशोरीलाई  उपचारका लागि जिल्ला अस्पताल धादिङमा ल्याईएकाे थियोे । उनलाई  डाक्टरले रगतको कमी छ भर्ना गरि थप उपचार गराउनु पर्छ भन्दा उनकाे अभिभावकले घर लगेका थिए । उनलेे २६ गते प्रहरी कार्यालय धादिङमा उजुरी दर्ता गरेकी थिइन्।
उजुरी दर्ता गरी घर फर्किएकी ती किशोरी पुनः स्वास्थ्य समस्या देखिएपछि जिल्ला अस्पताल धादिङमा फलोअपका लागि आएकी थिइन्। अस्पतालमा पुन परिक्षण गर्दा उनको शरीरमा हेमोग्लोबिनको कमी देखिएपछि रगत चढाउदै उपचारकै क्रममा उनको मृत्यु भएको अस्पतालले जनाएको छ।
जिल्ला प्रहरी कार्यालय धादिङका अनुसार सो घटनामा संलग्न स्थानीय ३२ वर्षीय खिलबहादुर मानन्धर फरार रहेका छन् र खोजी कार्य तिव्र पारिएको छ। यस्तै, पीडित पक्षले गाउँमै मिलाउन दबाब दिने केही व्यक्तिहरू रहेको गुनासो गरेका छन्।
जवरस्ती करणीमा परेकी किशोरी विगत ३ बर्ष देखि नीलकण्ठ ११ लामस्थानमा आफ्नै दिदीको घरमा बस्दै आएकी थिईन ।