काठमाडौँ। नेपाली कांग्रेसका महामन्त्री गगन कुमार थापाले संविधानकै प्रक्रियाबाट आन्दोलनको उपलब्धि खोज्न आह्वान गरेका छन् । एक भिडियो सन्देश सार्वजनिक गर्दै उनले जेनजी आन्दोलनमा भएको सरकारी दमन र हत्याप्रति दुःख व्यक्त गर्दै क्षमायचना पनि गरे ।
जेनजी आन्दोलनले उठाएका मुद्धाहरुलाई आफूले सम्मान गर्ने भन्दै नेता थापाले आन्दोलन सफल भएको र अब त्यसबाट आउने प्रक्रियाका लागि अहिलेकै संविधानबाट समाधान खोज्न पनि उनले आह्वान गरे ।
आन्दोलनका उपलब्धिलाई अहिले गलत तरिकाबाट समाधानका रुपमा लिए अर्को दुर्घटनाको जोखिम हुने पनि नेता थापाले बताए ।
