काठमाडौँ – हाल देशभर मनसुनको सक्रियता देखिएको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको केही उत्तरतर्फ रहेकाले देशभर साधारणतया बदली रहेको मौसमविद्हरूको भनाइ छ।

कोशी र बागमती प्रदेशका केही स्थानहरूमा हल्कादेखि मध्यम वर्षा भइरहेको छ।
आज दिउँसो सबै प्रदेशमा बदली रही धेरै स्थानहरूमा चट्याङसहित मध्यम वर्षा, तथा कोशी, लुम्बिनी र सुदूरपश्चिम प्रदेशको तराई क्षेत्रमा एक–दुई स्थानमा भारी वर्षाको सम्भावना रहेको छ।

आज राति पनि यस्तो नै अवस्था रहनेछ।
विशेषगरी कोशी, मधेश, बागमती, गण्डकी प्रदेश र अन्य तराई तथा पहाडी भू-भागमा चट्याङसहित वर्षा, साथै कोशी, मधेश, लुम्बिनी र सुदूरपश्चिम प्रदेशको तराईका एक–दुई स्थानमा भारी वर्षा हुनसक्ने चेतावनी दिइएको छ।

सावधानी अपनाउन अनुरोध गरिएको छ।