धादिङ — प्रतिनिधि सभा सदस्य निर्वाचन २०८२ अन्तर्गत प्रत्यक्ष तर्फ धादिङ जिल्ला प्रतिनिधि सभा क्षेत्र नं. १ मा नेपाली कांग्रेसले युवा नेता कृष्ण रिजाललाई उम्मेदवारका रूपमा अघि सारेको छ।
नेपाली कांग्रेसका प्रष्ट वक्ता तथा स्पष्ट कार्ययोजनाका साथ राजनीतिमा सक्रिय कृष्ण रिजाल नेपाल तरुण दलका केन्द्रीय सदस्य, पूर्व क्षेत्रीय सभापति एवं महासमिति सदस्यसमेत हुन्। लामो समयदेखि पार्टी संगठन सुदृढीकरण र जनसरोकारका मुद्दामा सक्रिय रहँदै आएका रिजाललाई पार्टीले सर्वसम्मत विश्वासका साथ टिकट प्रदान गरेको बताइएको छ।
पार्टीको निर्णयप्रति स्थानीय नेता तथा कार्यकर्ताले स्वागत गर्दै आगामी फागुन २१ गते हुने निर्वाचनमा धादिङ क्षेत्र नं. १ का मतदाताले रुख चिन्हमा मतदान गरी रिजाललाई विजयी गराउने विश्वास व्यक्त गरेका छन्।
निर्वाचन नजिकिँदै जाँदा धादिङ क्षेत्र नं. १ मा चुनावी माहोल तातेको छ भने राजनीतिक गतिविधि तीव्र बन्दै गएको छ।
