रुपन्देही क्षेत्र नम्बर १ बाट मोबाइल चिन्हका उम्मेदवार बदरुदोजा देवान (बर्दी) वित्तीय शोषणविरुद्धको संघर्षलाई मुख्य एजेन्डा बनाएर राजनीतिमा उभिनु भएको छ।
लघुवित्त, सहकारी र बैंकको नाममा वर्षौँदेखि जनतामाथि भइरहेको आर्थिक शोषण र उठिबासको विरुद्ध आवाज उठाउँदै आउनु भएका देवान सशक्त अभियान्ताका रूपमा चिनिनुहुन्छ।
राष्ट्रिय बैंकको अराजक नीति, लघुवित्तको चर्को ब्याज र सहकारीको नाममा हुने लुटतन्त्रको खुला विरोध गर्दै आउनु भएका देवानले “ऋणमुक्त जनता, ऋणमुक्त देश” भन्ने स्पष्ट सोच अघि सार्नु भएको छ।
उहाँ आर्थिक न्याय, सुशासन र राजनीतिक जवाफदेहिताको पक्षमा दृढ अडान राख्दै शिक्षा, स्वास्थ्य, रोजगारी र समावेशी विकासलाई प्राथमिकतामा राख्ने जनतामैत्री नीति अवलम्बन गर्ने प्रतिबद्धता जनाउनुहुन्छ।
नडराउने, नझुक्ने र जनताको पक्षमा स्पष्ट बोल्ने नेतृत्वको रूपमा आफूलाई प्रस्तुत गर्दै आउनु भएका बदरुदोजा देवान (बर्दी) लाई रुपन्देही क्षेत्र नम्बर १ मा परिवर्तनको भरोसायोग्य विकल्पका रूपमा हेरिन थालेको छ।