नवलपरासी — युवा नेता विजय कँडेलले नवलपरासी जिल्लामा लामो समयदेखि जनताले सास्ती भोग्दै आएका विभिन्न पूर्वाधारसम्बन्धी समस्याको समाधानका लागि पहल गर्दै मन्त्री कुलमान घिसिङलाई नवलपरासी आमन्त्रण गर्नुभएको छ।
नारायणघाट–बुटवल सडकखण्डको दाउन्ने क्षेत्रमा निर्माण ढिलाइका कारण दैनिक यात्रु तथा स्थानीय बासिन्दाले अत्यधिक सास्ती खेप्दै आएको अवस्थामा त्यसको स्थलगत निरीक्षण गर्न मन्त्री घिसिङ नवलपरासी आउनुभएको हो। यसका साथै बर्दघाट–खजुरा पुल, बर्दघाट–त्रिवेणी हुलाकी मार्ग तथा जिल्लाका अन्य महत्वपूर्ण पूर्वाधारसम्बन्धी समस्याहरूको समेत स्थलगत निरीक्षण गरिने जनाइएको छ।
युवा नेता कँडेलले जनताका दैनिक जीवनसँग प्रत्यक्ष जोडिएका समस्याहरू कागजमा होइन, स्थलमै पुगेर बुझ्नुपर्ने आवश्यकता औँल्याउँदै सम्बन्धित निकायको ध्यानाकर्षण गराउन यो पहल गरिएको बताउनुभएको छ। स्थलगत निरीक्षणपछि तत्कालीन तथा दीर्घकालीन समाधानका उपायहरू अघि बढाइने अपेक्षा स्थानीयवासीले गरेका छन्।
