काठमाडौँ — भूमि व्यवस्था मन्त्री प्रतिभा रावलले देशभरका मालपोत कार्यालयहरूबाट भइरहेको सेवा प्रवाहको अवस्थालाई आफ्नै कार्यकक्षबाट डिजिटल माध्यममार्फत नियमित अनुगमन तथा निरीक्षण गर्ने व्यवस्था सुरु गरिएको छ।
मालपोत कार्यालयहरूमा सर्भर डाउन हुने लगायतका प्राविधिक समस्या तथा सेवा प्रवाहसम्बन्धी गुनासाहरू बढ्दै गएपछि, सेवा सुधार र समस्या समाधानलाई तीव्र बनाउन यस्तो प्रणाली कार्यान्वयनमा ल्याइएको मन्त्रालयले जनाएको छ।
नयाँ प्रणालीमार्फत मन्त्री र सम्बन्धित अधिकारीहरूले कार्यालयहरूको सेवा प्रवाहको अवस्था प्रत्यक्ष रूपमा हेर्न सक्नेछन्। यसबाट समस्या देखिए तत्काल जानकारी प्राप्त भई समयमै समाधान गर्न सहज हुने अपेक्षा गरिएको छ।
मन्त्रालयका अनुसार यस पहलले सेवा प्रवाहलाई थप प्रभावकारी, पारदर्शी र सेवाग्राहीमैत्री बनाउने लक्ष्य राखिएको छ।